د ننګرهار ولايت د شهیدانو او معلولینو چارو په رياست کې اداري غونډه ترسره شوه
د چارو د ښه سمون او یتیمانو، کونډو مېرمنو او معلولینو ته د لا غوره خدمتونو وړاندې کولو په موخه د ننګرهار ولايت د شهیدانو او معلولینو چارو رئيس محترم مولوي نورالحق حقاني په مشرۍ په ياد رياست کې اداري غونډه ترسره شوه، چې په هغه کې د رياست اړوند ټولو کارکوونکو ګډون کړی وو.
په دې غونډه کې محترم مولوي نورالحق حقاني د کارکوونکو لپاره مهمې لارښوونې وکړې او ټينګار يې وکړ چې کارکوونکي باید خپلې سپارل شوې دندې د الهي امانت په توګه په پام کې ونيسي او په ټاکلي وخت، مسؤلانه او دقیق ډول یې ترسره کړي، له هر ډول غفلت، بېپامۍ څخه په کلکه ډډه وکړي.
د دې غونډې په پای کې ګډونوالو هم خپلې ستونزې شریکې کړې او د حل په موخه یې د محترم مولوي نورالحق حقاني له لورې لازمې لارښوونې وشوې.
