د شهیدانو او معلولینو چارو وزیر محترم الحاج ملا عبدالمجید آخند پنجشېر ولایت ته سفر وکړ
د شهیدانو او معلولینو چارو وزیر محترم الحاج ملا عبدالمجید آخند چې د کارکوونکو د چارو رئيس محترم مولوي محمد موسی صدیقي، د دعوت او ارشاد رئیس محترم مفتي عبدالاحد مسعود او د مالي او حسابي چارو رئیس محترم مولوي محمد امین دروېش یې ملتیا کوله، د پنجشېر ولایت د شهیدانو او معلولینو چارو ریاست له لوري یتیمانو، کونډو او معلولیت لرونکو وګړو ته د خدمتونو وړاندې کولو له بهیر څخه یې له نږدې هر اړخیزه لیدنه وکړه، د چارو د لاښه والي او یتیمانو، کونډو او معلولینو ستونزو او غوښتنو ته د ښې رسیدنې په موخه یې د ریاست مسؤلینو ته لازم هدایات ورکړل.
محترم وزیر صاحب د شهیدانو او معلولینو چارو په ریاست کې د پنجشېر ولایت د مقام د دفتر رئیس، امنیه قوماندان او نورو ځایي مسؤلینو سره لیدنه وکړه او د ځینو موضوعاتو په تړاو یې ورسره خبرې وکړې.
همداراز د شهیدانو او معلولینو چارو محترم وزیر د معلولیت لرونکو وګړو سره هم له نږدې وکتل، د هغوی ستونزې او غوښتنې واوریدې او ورسره یې یوه اندازه نغدي مرستې هم ترسره کړې.
