د شهیدانو او معلولینو چارو وزارت د رهبرۍ شورا غونډه ترسره شوه
د شهیدانو او معلولینو چارو وزارت د رهبرۍ شورا غونډه د دې وزارت د سرپرست وزیر محترم الحاج ملا عبدالمجید آخند په مشرۍ، د مسلکي او تخنیکي چارو مرستیال محترم الحاج ملا عبدالرزاق آخند، د شهیدانو او معلولینو چارو مرستیال محترم شیخ صاحب عبدالحکیم حقاني، د مالي او اداري چارو عمومي رئيس محترم مولوي کلیم الله افغان او د اړوندو څانګو د رئیسانو په شتون کې ترسره شوه.
په دې غونډه کې د وزارت او د اړوندو ریاستونو ترمنځ د لازمې همغږۍ پر پیاوړتیا او شته ستونزو ته د عملي حل لارو پیدا کولو په اړه تفصیلي خبرې وشوې او په ځانګړې توګه یتیمانو، کونډو او معلولینو ته د معیاري، شفاف او اغېزناک خدمتونو وړاندې کولو په هکله ټینګار وشو.
همداراز په دې غونډه کې ګډونوالو هم د وزارت د موخو د ښه تحقق لپاره خپل ارزښتناک وړاندیزونه او نظرونه شریک کړل.
