د شهیدانو او معلولینو چارو وزارت او د نداء الخیر مؤسسې ترمنځ د همکاری هوکړه لیک لاسلیک شو
د شهیدانو او معلولینو چارو وزارت د یتیمانو کورنیو د اقتصادي ملاتړ په موخه، د نداء الخیر مؤسسې سره د (۲) لکه او (۵۲) زره ډالرو په ارزښت د همکارۍ هوکړه لیک لاسلیک کړ، د دې هوکړه لیک له مخې به، په کندهار، فراه، غور، هرات، کندز، پروان، زابل، فاریاب، هلمند او ارزګان ولایتونو کې (۱۰۰۰) تنو مستحقو یتیمانو ته نغدي مرستې ووېشل شي.
د همکارۍ دغه هوکړه لیک د شهیدانو او معلولینو چارو وزارت د بهرنیو اړیکو، پلان او تقنین چارو رئیس محترم مولوي ثناء الله فرقاني او د نداء الخیر مؤسسې رئیس محترم حمزه کوکسال ترمنځ لاسلیک شو، چې د تطبیق چارې به یې د پورته ذکر شویو ولایتونو د شهیدانو او معلولینو چارو ریاستونو سره په همغږۍ پر مخ یوړل شي او د یوه کال په موده کې به دغه پروژه تطبیق شي.
