په زابل ولایت کې یو شمېر مستحقو یتیمانو ته زرنج نقليه وسایط ووېشل شول
د زابل ولايت د شهیدانو او معلولینو چارو رياست د (IHH) نړيوالې مؤسسې په مالي ملاتړ او همغږۍ د یاد ولایت پر (۱۰) تنو مستحقو یتیمانو باندې زرنج نقليه وسایط ووېشل.
د یادو وسایطو د وېش پر مهال د زابل ولایت د شهیدانو او معلولینو چارو رئیس محترم سید فضل الدین آغا حامد، د یاد ریاست آمر محترم ملا احسان الله صادق او د مرستندويه مؤسسې استازي ګډون کړی وو.
د شهیدانو او معلولینو چارو رئیس د همکارې موسسې له دغه ګټور اقدام څخه یې مننه وکړه، د یتیمانو او بېوزله کورنیو لاسنیوی د ټولو ګډ مسؤلیت وباله او ټینګار یې وکړ چې دا ډول مرستي نه یوازي د هغوی لنډ مهاله ستونزي حلوي، بلکه د حلال رزق ګټلو او پر ځان بسیا کېدو لپاره ورته دایمي کاري زمینه هم برابروي.
