په دوه سوه (۲۰۰) تنو مستحقو یتیمانو باندې په ننګرهار ولایت کې مرستې ووېشل شوې
په یادو مرستو کې چې اوړه، غوړي، وریجې او ځینې نور خوراکي او غیر خوراکي توکي شامل وو، د یار خیریه مؤسسې له لوري د ننګرهار ولایت د شهیدانو او معلولینو چارو ریاست سره په همغږۍ پر (۲۰۰) تنو یتیمانو باندې ووېشل شول.
د ننګرهار ولایت د شهیدانو او معلولینو چارو رئیس محترم محمد صابر ځواک د یادې مؤسسې له مسؤلینو وغوښتل چې په دې ولايت کې له یتیمانو، کونډو او معلولینو سره لازیاتې مرستې ترسره کړي تر څو په ښه توګه د هغوی اقتصادي ستونزو ته رسیدګي وشي.
همداراز هغو یتیمانو چې مرستې یې ترلاسه کړې وې د یاد ریاست او د مؤسسې له مسؤلینو څخه یې د مرستو د چمتوکولو په پار مننه وکړه او د نورو مرستو پر دوام یې ټینګار وکړ.
