په سمنګان ولايت کې پر (۲۰۰) تنو مستحقو کسانو باندې خوراکي توکي ووېشل شول
د سمنګان ولايت د شهيدانو او معلولينو چارو رياست د قمر خیریه بنسټ په همکارۍ د یاد ولایت پر (۲۰۰) تنو مستحقو یتیمانو، کونډو او معلولینو باندې خوراکي توکي چې په هغه کې اوړه، وريجې، غوړي او نور خوراکي مواد شامل وو، په شفاف او منظم ډول ووېشل.
د یادو مرستو د وېش پر مهال د سمنګان ولايت د شهيدانو او معلولينو چارو رئيس محترم قاري قیام الدین خالد، د عدليې رئيس، د قمر خیریه بنسټ استازو، د استخباراتو رياست مسؤلينو شتون درلود.
محترم قاري قیام الدین خالد د قمر خیریه بنسټ له مسؤلينو څخه یتیمانو، کونډو او معلولینو ته د مرستو چمتو کولو په پار مننه وکړه او دې اړمن قشر ته یې د مرستو رسول یو غوره فرهنګ وباله او پر لازياتو مرستو چمتو کولو یې ټینګار وکړ.
