د شهیدانو او معلولینو چارو وزارت سرپرست د چارو ادارې لوی رئیس سره د دغه وزارت د اصلاحاتو پر میکانیزم بحث وکړ
د شهیدانو او معلولینو چارو وزارت سرپرست د چارو ادارې لوی رئیس سره د دغه وزارت د اصلاحاتو پر میکانیزم بحث وکړ
د شهیدانو او معلولینو چارو وزارت له نوماند او سرپرست ډاکټرحمیدالله فاروقي د جمهوري ریاست د چارو ادارې لوی رئیس ډاکټر فضل محمود فضلي سره په دغه وزارت کې د اصلاحاتو د میکانیزم او د فساد د مخنیوي په اړه بحث وکړ.
ډاکټر فاروقي وویل، چې د جلالتماب جمهور رئیس د لیدلوري له مخې او د قانون په رڼا کې به د شهیدانو او معلولینو وزارت پر یوه ښه مسیر روان شي او په دې اړه د اغیزناکو خدمتونو او فساد ضدې مبارزې پر میکانیزم کار وشي.
د چارو ادارې لوی رئیس په دغه وزارت کې د ډاکټر فاروقي د اصلاحي پروګرامونو په هرکلي سره وویل، چې د اصلاحاتو او فساد ضد مبارزې ترڅنګ دې له سرچینو څخه د معقولې ګټې اخیستنې په اړه هم تمرکز وشي.
