د شهيدانو او معلولينو چارو وزارت د څارنې او ارزونې پلاوي په نورستان ولایت کې د یاد وزارت له اړوند رياست د کړنو او فعالیتونو څخه ارزونه پېل کړه
د شهيدانو او معلولينو چارو وزارت د څارنې او ارزونې رئيس محترم مولوي نورالحق حقاني په مشرۍ يو پلاوي چې د یاد ریاست دوه تنو کارکوونکو هر یو محترم سليم ګل شمشاد او محترم خيبر شيرزاد یې ملتیا کوله، نورستان ولایت ته یې د سفر په ترڅ کې د شهيدانو او معلولينو چارو رياست د ۱۴۰۳ لمریز کال د ترسره شويو کړنو، د پلانونو پرمختګ، د کونډو، يتيمانو او معلولينو د تثبيت او بایومټریک، هغوي ته د نغدي مساعدتونو د ورکړې او همداراز د کونډو، یتیمانو او معلولینو د تصفیې پروسې څخه یې څارنه او ارزونه پېل کړه، ياد پلاوی به شته ستونزې او نیمګړتیاوې په نښه او د چارو د لا ښه والي او سمون په موخه به اړوند کارکوونکو ته لازمې لارښوونې وکړي.
د یادونې وړ ده چې د څارنې او ارزونې پلاوی به د نورستان ولایت د شهيدانو او معلولينو چارو رياست د کړنو او فعالیتونو د ارزونې وروسته په کنړ ولایت کې د یاد وزارت له اړوند ریاست څخه هر اړخیزه ارزونه ترسره کړي.
