د بغلان ولایت د شهیدانو او معلولینو چارو ریاست له کړنو او اجراآتو څخه بررسی ترسره شوه
د چارو د لا ښه والي او د شهیدانو کورنیو او معلولینو ته د شفافو او غوره خدمتونو وړاندې کولو په موخه د کورنۍ پلټنې رئیس محترم مولوي محمد انور برادر په مشرۍ یو پلاوي بغلان ولایت ته سفر وکړ، د پلاوي په ترکیب کې د یاد ریاست کارکوونکي هر یو ښاغلی نذیر احمد احمدي، ښاغلی نصیر احمد حکیمي او ښاغلی محمد یاسین ادیب شامل وو.
یاد پلاوي د بغلان ولایت د شهیدانو او معلولینو چارو ریاست له لوري په (۱۴۰۴) مالي کال کې د ځانګړې شوې بودجې د مصرف څرنګوالی، د شهیدانو ورثه وو او معلولینو لپاره د خدمتونو وړاندې کول او یو شمېر نور اړوند موضوعات په هر اړخیزه توګه بررسی کړل، شته نیمګړتیاوې په نښه او د رسیدګي په موخه یې اړوندو مسؤلینو ته لازمې لارښوونې وکړې.
همداراز د کورنۍ پلټنې پلاوي د بغلان ولایت اړوند پلخمري ښار، همداراز مرکزي بغلان او دوشي ولسوالیو کې د یو شمېر شهیدانو کورنیو سره له نږدې وکتل، د ستونزو او غوښتنو د اوریدو ترڅنګ یې ورسره یو اندازه نغدي مرسته ترسره کړه.
