د شهیدانو او معلولینو چارو په وزارت کې د امر بالمعروف او نهي عن المنکر قانون د ښه پلي کیدو په موخه غونډه ترسره شوه
د شهیدانو او معلولینو چارو په وزارت کې د امر بالمعروف او نهي عن المنکر قانون د لا ښه پلي کیدو په موخه د مالي او اداري چارو عمومي رئیس محترم مولوي کلیم الله افغان په مشرۍ غونډه ترسره شوه، په دې غونډه کې د دفتر رئیس محترم مولوي شاه محمد دوست، دکارکوونکو چارو رئیس محترم مولوي محمد موسی صدیقي، د دعوت او ارشاد رياست اړوند آمرینو هر یو محترم حافظ محمد اقبال او محترم مولوي علي احمد حضور درلود.
د دې غونډې په ترڅ کې د امربالمعروف او نهي عن المنکر قانون د لا ښه پلي کیدو پر اغېزمنو لارو چارو هر اړخیز بحث ترسره شو.
د یادونې وړ ده چې تر دې وړاندې هم د شهیدانو او معلولینو چارو په وزارت کې په بشپړ او اغیزمن ډول د یاد قانون د عملي کولو په موخه ورته غونډې ترسره شوې وې.
