په هلمند ولایت کې پر (۳۰۰) تنو مستحقو کسانو باندې د خوراکي توکو وېش
د هلمند ولایت د شهیدانو او معلولینو چارو ریاست په روژې مبارکه میاشت کې د مستحقو کسانو د ملاتړ او لاسنیوي په موخه د یوې خیریه مؤسسې په مالي ملاتړ د یاد ولایت په (۳۰۰) تنو یتیمانو، کونډو او معلولیت لرونکو وګړو باندې پنځه (۵) ډوله د خوراکي توکو مرستې ووېشلې.
یادې مرستې د هلمند ولایت د شهیدانو او معلولینو چارو ریاست د مسؤلینو او د یادې خیریه مؤسسې د استازو په شتون کې پر مستحقو کسانو باندې په شفاف او عادلانه ووېشل شوې.
د یادونې وړ ده، هغو کسانو چې مرستې ترلاسه کړې وې د شهیدانو او معلولینو چارو ریاست له مسؤلینو څخه یې د مننې ترڅنګ د نورو ورته مرستو غوښتنه هم وکړه.
