د پکتیا مرستیال والي شیخ انعام الله صلاح الدین د شهيدانو او معلولينو چارو ریاست څخه لیدنه تر سره کړه.
د پکتیا مرستیال والي الحاج شیخ انعام الله صلاح الدین د پکتیا ولایت شهيدانو او معلولينو چارو ریاست څخه له نږدې لیدنه وکړه، چې په دې لیدنه کې د اطلاعاتو کلتور رئيس او ولايت مقام ځينو نورو مسؤلينو هم ملتيا کوله.
له یاد ریاست څخه د لیدنی په ترڅ کې مرستیال والي د ریاست مقام، د بريښنايي سيسټم له خونې، شهداء او معلولينو چارو له مدیریتونو څخه لیدنه وکړه او د دوی تر سره شوې کړنې يې له نږدې و ارزولې.
د شهيدانو او معلولينو چارو رئيس مولوي صاحب محمد نبي په خبره مونږ ١٩١ میلیونه افغانۍ د کال په لومړیو دوو ربعو کې مستحقو خلکو ته حقوق ورکړي، چې په دې کې د یتیمانو مجموعه تعداد دیارلسو زرو او معلولينو ټول تعداد څلور نیمو زرو ته رسېږي، چې له یاد شمېر څخه یې زياترو ته حقوق رسېدلي دي او ډاډ يې ورکړ چې په دې برخه کې به خپلې هڅي نورې هم غښتلې کړو.
مرستيال والي د ياد رياست د مسؤلينو کړنې وستايلې او دوی ته يې د چارو د بهبود په موخه يو لړ اړينې سپارښتنې وکړې، ترڅو معلولينو او د شهيدانو کورنيو ته د خپلو مساعدتونو په سپارلو کې نورې اسانتياوې او سهولتونه هم رامنځته شي.
