کارمندان عالی وزارت دولت در امور شهدا و معلولین ستایش شد
د شهیدانو او معلولینو په چارو کې د دولت وزارت غوره کارکوونکي وستایل شوه
نن سه شنبه (د مرغومي ۱۰) د شهیدانو او معلولینو په چارو کې د دولت وزارت رهبرۍ خپلو هغو کارکوونکو ته چې له ځانه یې وړتیا ښودلې وه او ورسپارل شوي مسولیتونه یې په سمه توګه سرته رسولي وو، دریمه درجه ستاینلیکونه ورکړه.
په دې ستاینغونډه کې د تخنیکي چارو مرستیالې او د وزارت سرپرستې جمیلې نورستانۍ، د مالي او اداري چارو مرستیال دل آقا صوفي زاده، رییسانو، مشاورینو او ګڼو کارکوونکو ګډون درلود.
آغلې جمیلې نورستانۍ د وزارت د تېر کال فعالیتونو په اړه خبرې وکړې وویل، چې د وزارت د رامنځته کېدو په پیل کې ګڼو ستونزو سره مخامخ وو، خو د همدغو کارکوونکو صادقانه کار، هلې ځلې او کوښښونه و، چې نن د یوه منظم سیستم شاهدان یو. نوموړې ټولو کارکوونکو ته د ستاینلیکونو ترلاسه کولو مبارکي وویله، زیاته یې کړه، چې کارکوونکي له دې د زیاتې ستاینې او هڅونې مستحق دي.
د غونډې په پای کې د وزارت د مرستیالانو، رییسانو او مشاورینو په لاسونو غوره کارکوونکو ته ستاینلیکونه ووېشل شوه.
