د بغلان ولايت د شهیدانو او معلولینو چارو رئیس د مرکزي بغلان او ډنډ غوري ولسوالیو کې د یو شمېر شهیدانو کورنیو سره نغدي مرسته ترسره کړه
د بغلان ولايت د شهيدانو او معلولينو چارو رئيس محترم ملا احسان الله عابد چې د شهیدانو او معلولینو چارو آمر محترم قاري عبدالحکیم نافذ یې ملتيا کوله، د مرکزي بغلان او ډنډ غوري ولسوالیو د شهیدانو (۴۴) کورنيو سره له نږدې وکتل، د هغوی ستونزې او غوښتنې يې واوريدې او ورسره یې نغدي مرسته هم ترسره کړه.
محترم ملا احسان الله عابد د شهیدانو له کورنیو سره په لیدنه کې وویل: په هېواد کې اسلامي نظام ستاسو د قربانیو په برکت راغلی دی او اسلامي امارت به هېڅکله ستاسو سرښندنې او قربانۍ هېرې نه کړي.
