د شهیدانو او معلولینو چارو وزارت یو پلاوي په بدخشان ولايت کې د یو شمېر فدايانو کورنېو سره نغدي مرستې ترسره کړې
د شهیدانو او معلولینو چارو وزارت د دعوت او ارشاد رئيس محترم مفتي عبدالاحد مسعود په مشرۍ یو پلاوي چې د مالي او حسابي چارو رئیس محترم مولوي محمد امین دروېش، د خاصو شهیدانو د چارو آمر محترم مولوي محمد، د خاصو شهیدانو د چارو د محاسبې عمومي مدیر محترم زاهدالله میاخیل یې ملتیا کوله، په بدخشان ولايت کې یې د یو شمېر فدایانو کورنېو سره له نږدې وکتل، ستونزې او غوښتنې یې واوریدې او ورسره یې نغدي مرستې ترسره کړې، چې هرې کورنې (۱۵۰۰۰) افغانۍ د نغدي مرستې په توګه ترلاسه کړې.
ياد پلاوي د دې سفر په ترڅ کې د بدخشان ولايت د شهيدانو او معلولينو چارو رياست له کاري بهیر څخه هم لیدنه وکړه، د دې لیدنې په ترڅ کې محترم مفتي عبدالاحد مسعود د یاد رياست د ټولو کارکوونکو څخه چې صورت او سیرت یې د اسلامي شریعت مطابق وو، خوښي څرګنده کړه او هغوی وهڅول تر څو د مراجعینو سره له نیکو اخلاقو څخه کار واخلي او چارې په پوره اخلاص او همغږۍ ترسره کړي.
