د کابل ولایت په شهیدانو او معلولینو چارو ریاست کې نوی آمر معرفي او په کار یې پیل وکړ
د معرفي په غونډه کې د کابل ولایت شهیدانو او معلولینو چارو رئیس محترم قاري شمس الامین زهیر، د شهیدانو او معلولینو چارو وزارت د استخدام آمر محترم الحاج محمد انور سخی زاده، د سوانحو او ارزونې آمر محترم کریم الله فاروقي او همداراز د یاد ریاست کارکوونکو ګډون درلود.
محترم ملا محمد نعیم د شهیدانو او معلولینو چارو وزارت د لزوم دید او شفاهي هدایت پر اساس د یاد وزارت د استخدام آمر محترم الحاج محمد انور سخی زاده له خوا د کابل ولایت د شهیدانو او معلولینو چارو د نوي آمر په توګه کارکوونکو ته وروپېژندل شو.
د کابل ولایت د شهیدانو او معلولینو چارو د نوي آمر معرفي کولو په پروګرام کې د یاد وزارت د استخدام آمر محترم الحاج محمد انور سخی زاده د خپلو خبرو په ترڅ کې په اداره کې تغییر او بدلون یو اصل وګاڼه او نوي آمر ته یې په چارو کې د بریالیتوب هیله څرګنده کړه.
نوموړي همداراز د کابل ولایت د شهیدانو او معلولینو چارو ریاست له کارکوونکو څخه وغوښتل چې ورسپارل شوې دندې په پوره اخلاص او همغږۍ ترسره کړي.
