د شهیدانو او معلولینو په چارو کې د دولت وزارت د اصلاحاتو او سیستم جوړونې لړۍ به نوره هم پراخه شي
د شهیدانو او معلولینو په چارو کې د دولت وزارت د اصلاحاتو او سیستم جوړونې لړۍ به نوره هم پراخه شي
د شهیدانو او معلولینو په چارو کې د دولت وزیر لعل الدین آریوبي د ملي امنیت شورا د اصلاحاتو او اقتصادي ځان بسیاېنې رییس نجیب الله وردګ سره وکتل.
ښاغلي آریوبي د وزارت د پخواني وضعیت، اوسنیو فعالیتونو، لاسته راوړنو، اصلاحاتو، سیستم جوړونې، پروسو ساده کولو او معلولیت لرونکو وګړو او د شهیدانو ورثې ته په مختلفو برخو کې د برابرو شویو اسانتیاوو او فرصتونو په اړه هر اړخیزې خبرې وکړې وویل، چې په دې اداره کې له پخوا پاتې بې نظمي، فساد او بیروکراسي یې تر ډېره پای ته رسولې او د اصلاحاتو، نویو خدمتونو د رامنځته کولو او کاري پروسو د ساده کولو لپاره به خپلې هڅې نورې هم ګړندۍ کړي.
د ملي امنیت شورا د اصلاحاتو او اقتصادي ځان بسیاینې رییس نجیب الله وردګ د وزارت د رهبرۍ ترسره شوې کړنې او پلانونه د وزارت، د شهیدانو ورثې او معلولیت لرونکو وګړو لپاره اغېزناک وګڼل وویل، چې د اصلاحاتو لړۍ د دوام او ملاتړ او دې قشر ته د نورو اسانتیاوو او امکاناتو د برابرولو په برخه کې به په مشترکه توګه همکاري وکړي، تر څو پاتې ستونزې هم هوارې او بشپړه روڼتیا رامنځته شي.
