کابل کې د وروستيو پېښو د قربانيانو کورنيو سره لیدنه او خواخوږي
کابل کې د وروستيو پېښو د قربانيانو کورنيو سره لیدنه او خواخوږي
د شهيدانو او معلولينو په چارو کې د دولت وزارت د خدمتونو وړاندې کولو او ملاتړ مرستيالې جميلې نورستانۍ او ورسره پلاوي د کابل ښار د سپين کلي څلور لاري د چاودنې قربانيانو کورنيو سره وکتل او خواخوږي یې ورسره وکړه.
آغلې نورستانۍ د ستر خدای ج له درباره شهيدانو ته د فردوس جنت او وارثينو ته يې د جميل صبر غوښتنه وکړه.
نوموړې په هېواد کې روان امنيتي وضعيت د اندېښنې وړ وباله او په افغانستان کې يې د سرتاسري سولې د ټينګښت هيله وکړه.
آغلې نورستانۍ څرګنده کړه، چې د شهيدانو ورثې او د ټپيانو ملاتړ او هغوی ته د ژوند د اسانتياوو برابرول د شهيدانو او معلولينو په چارو کې د دولت وزارت له لومړيتوبونو څخه دي او په دې برخه کې يې د وزارت له اړخه د پوره همکارۍ ډاډ ورکر.
د کمک موسسې استازي هم ګډون درلود. له جنګه اغيزمنو کورنيو ته د یادې موسسې د تګلارې له مخې د مرستو د بېلا بېلو کڅوړو د ورکړې ژمنه وکړه.
