په کندهار ولايت کې پر (۵۵۰) تنو مستحقو کسانو باندې د مرستو وېش
د کندهار ولایت د شهيدانو او معلولينو چارو رياست د یوې خیریه مؤسسې سره په همغږۍ د یاد ولایت په (۵۵۰) تنو مستحقو یتیمانو، کونډو او معلولینو باندې اته (۸) ډوله خوراکي توکي ووېشل.
د یادو مرستو د وېش پر مهال د شهيدانو او معلولينو چارو ریاست مرستیال محترم ملا اختر محمد آخند، د ټولنیزو خدمتونو مدیر محترم مولوي عبدالله عابدي او د مؤسسې مسؤلينو شتون درلود.
په ورته وخت کې هغو مستحقو کسانو چې مرستې ترلاسه کړې وې د یاد ولایت د شهيدانو او معلولينو چارو رياست د مسؤلینو څخه د مننې ترڅنګ، په راتلونکي کې د ورته مرستو غوښتنه وکړه.
