معلولیت لرونکو مېرمنو او کوچنیانو ته باید پاملرنه زیاته شي
معلولیت لرونکو مېرمنو او کوچنیانو ته باید پاملرنه زیاته شي
د شهیدانو او معلولینو په چارو کې د دولت وزارت د نظامي شهیدانو او معلولینو چارو د انسجام مرستیالې صبرۍ اندړ
)د پیاوړو ماشومانو د نوښت موسسې) مشرې لایل محب سره په خپل کاري دفتر کې وکتل.
آغلې صبري اندړ په پیل کې مېرمن محب ته د شهیدانو او معلولینو په چارو کې د دولت وزارت د کړنو او لاسته راوړنو په اړه مفصل معلومات وړاندې کړه وویل، چې د پخوا په پرتله ډېر اصلاحات رامنځته شوي او د معلولینو د ژوند د ښه والي لپاره منظمې برنامې تر لاس لاندې دي.
آغلې اندړ د دې تر څنګ د معلولیت لرونکو مېرمنو او کوچنیانو په ټولنیز وضعیت، محرومیتونو او نورو ستونزو هم خبرې وکړې زیاته یې کړه، چې دې برخو ته پاملرنه زیاته او د حل لپاره یې رسیدګي وشي. اندړ تاکید وکړ، چې په دې برخه کې باید مدني ټولنې، نړیوال بنسټونه او اړوندې ادارې اړخیزه همکاري وکړي.
د پیاوړو ماشومانو د نوښت موسسې مشرې لایل محب د وزارت ترسره شوي فعالیتونه اغېزناک وګڼل او ژمنه یې وکړه، چې د معلولیت لرونکو مېرمنو او ماشومانو ستونزو ته د رسیدګۍ او دوی ته د لازمو اسانتیاوو برابرولو په موخه به وزارت سره په مشترکه توګه هلې ځلې وکړي.
