د معلولیت لرونکو وګړو ملي فدراسیون باید د معلولیت لرونکو وګړو په مالکیت رامنځته شي
د معلولیت لرونکو وګړو ملي فدراسیون باید د معلولیت لرونکو وګړو په مالکیت رامنځته شي
د شهیدانو او معلولینو چارو سرپرست وزیر پوهنمل حمید الله فاروقي د معلولینو په چارو کې د جمهور رییس سلاکار عمرا خان منیب او د معلولیت لرونکو وګړو د ملي فدراسیون د رامنځته کولو کمېټې غړو سره وکتل.
په پیل کې ښاغلي عمرا خان منیب د یاد فدراسیون د رامنځته کولو د مقدماتي کاري پړاوونو په اړه خبرې وکړې وویل، چې دغه معلولینو د ملي فدراسیون د جوړېدو لپاره یې پینځه پړاوونه ټاکلي و، چې له نېکه مرغه درې پړاوه یې بشپړ شوي او د څلورم پړاو د بشپړولو لپاره کار روان دي.
ښاغلي منیب وویل، چې د ټاکل شوې کمېټې له لوري په دریو پورتنیو کاري پړاوونو کې د فدراسیون ترتیب، اړوندو اسنادو، شرایطو او کړنلارې جوړول شامل وو، چې چارې یې بشپړې شوې دي. زیاته یې کړه، چې په څلورم پړاو کې د فدراسیون د وروستي کولو لپاره بودجې، په ولایتونو کې د معلولینو بنسټونو سره د نسبي اجماع رامنځته کولو او بالاخره د فدراسیون د اعلانولو مرحله کې په کار بوخت دي. نوموړي څرګنده کړه، چې د بودجې موندنې په اړه یې مختلفو ملي او نړیوالو ادارو سره خبرې کړي دي او ځینو یې د ورکړې ژمنه کړې ده. ښاغلي منیب وویل، چې د فدارسیون د عملي پړاو لپاره په مرکز کې د لایتونونو د معلولینو د ټولنو د استازو ناسته مهمه او د یوه باثباته، همغږي، پیاوړي او د معلولینو په مالکیت د رامنځته کېدونکي فدراسیون لپاره د وزارت همکاري او همغږي اړینه ده.
د شهیدانو او معلولینو چارو سرپرست وزیر پوهنمل حمید الله فاروقي د معلولیت لرونکو وګړو د ملي فدارسیون د جوړولو کمېټې د ترسره کړو فعالیتونو راپور وستایه او د دې فدارسیون جوړېدل یې خورا اړین وګڼل وویل: دولت نه شي کولای یوه مدني بنسټ سره مالي مرسته وکړي، خو وزارت کولای شي په جوړېدو کې خپلې تخنیکي مشورې شریکې کړي. د معلولینو بنسټونه دې د ملي او نړیوالو ادارو په بې قده او شرطه مالي ملاتړ، خپلو مالي امکاناتو، هغمږۍ او اجماع دغه فدارسیون نهایي کړي.
ښاغلي فاروقي وویل، چې د غوره اجماع لپاره مهمه ده، چې د د فدارسیون په جوړېدو کې له عدلیې وزارت سره د معلولینو ثبت شویو ټولنو ته لومړیتوب ورکړل شي او عدلیې وزارت نه د ثبت شویو ټولنو معلومات ترلاسه شي.
ښاغلي فاروقي څرګنده کړه، چې ستونزې موجودې دي او د له منځته وړلو لپاره یې وزارت د فدراسیون همکارۍ ته اړتیا لري. د دې لپاره چې یو پیاوړی، باثباته، متعهد او پر اصولو برابر فدارسیون رامنځته شي اړینه ده، چې د اساسنامې په اړه د معلولینو د شته ټولنو رضایت واخیستل شي، تر څو د دوی په مالکیت رامنځته او په راتلوونکي کې ستونزې پېښې نه شي.
