د معلولیت لرونکو وګړو د نړیوالې ورځې د نمانځنې په اړه د مسوولو ادارو د نقش پر څرنګوالي غونډه وشوه

sadiq_admin
سه‌شنبه ۱۳۹۹/۹/۴ - ۹:۳۳
cxc

د معلولیت لرونکو وګړو د نړیوالې ورځې د نمانځنې په اړه د مسوولو ادارو د نقش پر څرنګوالي غونډه وشوه

د شهیدانو او معلولینو په چارو کې د دولت وزیر لعل الدین آریوبي د جمهور رییس له لوري د معلولیت لرونکو وګړو د نړیوالې ورځې د نمانځنې په اړه د ټاکل شویو ادارو مسولینو سره وکتل او د یادې ورځې د ترسراوي پر څرنګوالي یې خبرې وکړې.

د معلولیت لرونکو وګړو د نړیوالې ورځې (ډسمبر ۳) د نمانځنې لپاره د شهیدانو او معلولینو په چارو کې د دولت وزارت سربېره د معلولینو په چارو کې د جمهور رییس د سلاکار دفتر، ملي امنیت شورا، د جمهوري ریاست د چارو ادارې او تخنیکي او مسلکي زده کړو ادارې ته مسولیت سپارل شوی دی.

ښاغلي آریوبي وویل، چې سږ کال به دغه ورځ له نورو کلونو په متفاوته توګه د ملي سمپوزیم په بڼه ونمانځل شي او د معلولیت لرونکو وګړو د ملاتړ لپاره به د ملي او نړیوالو مرستندویه بنسټونو د همکارۍ د جلبولو او ژمنتیا اخیستلو لپاره ترې د یوه مهم فرصت په توګه ګټه پورته کړي. ښاغلي آریوبي زیاته کړه، چې د یادې ورځې د نمانځلو پر مهال به د معلولیت لس کلنه ملي ستراتېژي هم په رسمي ډول پیل شي. ښاغلي آریوبي تاکید وکړ، چې د دې ورځې د غوره نمانځنې او د مطلوبو پایلو ترلاسه کولو په موخه باید ټولې اړوندې ادارې خپل ټاکل شوي مسولیتونه به ښه ډول ترسره کړي.

د جمهور رییس سلاکار عمرا خان منیب هم د ملي سمپوزیم په بڼه د یادې ورځې نمانځل بې ساری اقدام وباله او د یوې سترې موخې په توګه یې د دې ورځې پر نمانځلو د ټینګار تر څنګ خپل نظریات هم شریک کړل.

د یادو ادارو مسولینو هم د دې ورځې د نمانځنې په اړه خپل نظرونه او وړاندیزونه د وزارت له رهبرۍ سره شریک او د هر اړخیزې همکارۍ او همغږۍ په لرلو یې ټینګار وکړ.

تازه خبرونه

چهارشنبه ۱۴۰۴/۵/۲۹ - ۱۴:۴۴
Background image

د شهیدانو او معلولینو چارو په وزارت کې پر (۳۵) تنو مستحقو کسانو باندې د زرنج نقلیه وسایط ووېشل شول

د شهیدانو او معلولینو چارو وزارت د معلولینو او یتیمانو د اقتصادي ځان بسیاینې په موخه، د یوې خیریه مؤسسې سره په همغږۍ، (۳۵) تنه مستحق یتیمان او معلولین د زرنج نقلیه وسایطو څخه برخمن کړل،. . .

چهارشنبه ۱۴۰۴/۵/۲۹ - ۱۲:۲۱
Background image

په خوست ولایت کې (۸۰) معلولینو ویلچرونه ترلاسه کړل

د خوست ولایت د شهیدانو او معلولینو چارو ریاست د یوې خیریه مؤسسې په مالي ملاتړ د  (۸۰) تنو معلولینو سره د ویلچرونو سربېره، یو اندازه نغدي مرسته هم ترسره کړه.

هغو معلولینو چې ویلچرونه یې. . .

چهارشنبه ۱۴۰۴/۵/۲۹ - ۱۲:۲۰
Background image

په بلخ ولایت کې پر (۶۰) تنو معلولینو باندې ویلچرونه ووېشل شول

د بلخ ولایت د شهیدانو او معلولینو چارو ریاست د معلولیت لرونکو وګړو د ملاتړ په موخه، د یوې خیریه مؤسسې سره په همغږۍ پر (۶۰) تنو مستحقو معلولینو باندې ویلچرونه کې وویشل. سربېره پر دې،. . .

BACK TO NEWS