د لوګر ولایت محمد آغې ولسوالۍ ته د شهیدانو او معلولینو چارو رئیس سفر
د لوګر ولایت د شهیدانو او معلولینو چارو رئیس محترم مفتي باقي بالله فضلي یتیمانو، کونډو مېرمنو او معلولینو پر وړاندې د شته ستونزو د حل او همداراز هغوی ته د لا ښو خدمتونو وړاندې کولو په موخه د یاد ولایت اړوند محمدآغې ولسوالۍ ته سفر وکړ، نوموړي هلته د ولسوالۍ له ولسوال سره هم له نږدې لیدنه وکړه، په دې لیدنه کې د یتیمانو، کونډو او معلولینو د تثبیت او ثبت په پروسه کې د کلیو د ملکانو له لوري د ریاست کارکوونکو سره د کره اودقیقو معلوماتو د شریکولو، د اليکترونيکي سيستم د ثبت لړى د ګړندى کولو او په ځینو نورو مهمو موضوعاتو باندې هر اړخیزې خبرې وشوې.
