د شهیدانو ورثه وو او معلولینو د پالنې په مرکز کې اداري غونډه ترسره شوه
د چارو د لاښه والي په موخه، د شهیدانو ورثه وو او معلولینو د پالنې مرکز رئیس محترم مولوي احسان الله حقاني په مشرۍ په یاد ریاست کې اداري غونډه ترسره شوه، چې په هغه کې د یاد مرکز اړوند آمرینو او ټولو کارکوونکو ګډون کړی وو.
په دې غونډه کې محترم مولوي احسان الله حقاني هغو یتیمانو او معلولینو ته چې په یاد مرکز کې په بېلابېلو فني او حرفوي زدهکړو بوخت دي، د معیاري خدمتونو د وړاندې کولو پر اهمیت ټینګار وکړ. نوموړي له ټولو کارکوونکو څخه وغوښتل چې د الله (ج) رضا خپل لومړیتوب وګرځوي او خپلې سپارل شوې دندې په اخلاص، همکارۍ او د اداري سلسلې د مراعاتولو سره سم ترسره کړي.
همداراز په دې غونډه کې د شهیدانو ورثه وو او معلولینو د پالنې مرکز کې شته ستونزې او ننګونې هم وڅېړل شوې او حل په موخه یې لازم تصمیمونه ونیول شول.
د یادونې وړ ده چې د شهیدانو ورثه وو او معلولینو د پالنې په مرکز کې یتیمانو او معلولینو ته، په نه (۹) بېلابېلو برخو کې فني او حرفوي زده کړې ورکول کېږي، د دې پروګرامونو موخه د یادو کسانو اقتصادي ځان بسیاینه ده چې یاد مرکز له لوري هر کال په دوو دورو کې سلګونه تنه یتیمان او معلولین روزل کېږي، او له فراغت وروسته ورته د اړوند مسلک وسایل هم ورکول کېږي، تر څو وکولای شي له خپلو زدهکړو څخه په ګټې اخیستو سره خپل کسب او کار پیل کړي.
