د شهیدانو او معلولینو چارو وزارت یتیمانو، کونډو او معلولینو ته د اقتصادي ځان بساینې په موخه د بشري مرستو ټولنې سره د همکارۍ هوکړه لیک لاسلیک کړ
د دې هوکړه لیک پر اساس به، په کندهار ولایت کې د شهیدانو او معلولینو (1۵) کورنېو ته د اقتصادي ځان بساینې په موخه د (۶۵۵۰) امریکایی ډالر په ارزښت د رُب او د انارو د مُربا تولید په برخو کې د کاري فرصتونو زمینه برابره شي.
د یادونې وړ ده چې دغه هوکړه لیک د دې وزارت د پلان او بهرنېو اړیکو رئیس محترم ملا صدوخان حق شناس او د بشري مرستو ټولنې مسؤل محترم رحمت الله تر منځ لاسلیک شو او د کندهار ولایت د شهیدانو او معلولینو چارو ریاست سره په همغږۍ به د درېیو میاشتو په موده کې تطبیق شي.
