د شهیدانو او معلولینو چارو وزارت د بشري سرچینو په ریاست کې د کاري بهیر د ښه والي او د چارو د ښې همغږۍ په موخه اداري غونډه ترسره شوه
یاده غونډه چې د بشري سرچینو رئیس محترم مولوي محمد موسی صدیقي په مشرۍ جوړه شوې وه په هغه کې د یاد ریاست د استخدام آمر محترم الحاج محمد انور سخي زاده، د سوانحو او ارزونې آمر محترم کریم الله فاروقي، د ظرفیت لوړولو او اداري پراختیا آمر محترم عزیز احمد احمدي او د یاد ریاست ټولو کارکوونکو ګډون کړی وو.
په دې غونډه کې د بشري سرچینو رئیس محترم مولوي محمد موسی صدیقي په دې وزارت کې د بالمقطع او (NTA) کارکوونکو د قراردادونو د تمدیدولو پر څرنګوالي، په(HRMIS) سیسټم کې د شهیدانو او معلولینو چارو وزارت د ۱۴۰۳ کال د تشکیل د ثبت او د اداري اصلاحاتو او ملکي خدمتونو ریاست له لوري د هغه منظورۍ، د کارکوونکو د الکټرونیکي حاضري لپاره د نوي سیسټم جوړولو او د هغه د پلي کولو پر څرنګوالي او همداراز د تحصیلي سویو په نظر کې نیولو سره د ولایتي کارکوونکو د سوانحو (۲۱۰) دفترونو د نهایي کولو په هکله خبرې وکړې.
د دې غونډې په ترڅ کې د شهیدانو او معلولینو چارو وزارت اړوند مرکزي او ولایتي بستونو او په ځانګړي توګه د ۱۴۰۳ کال په تشکیل کې د نوېو جوړو شوېو بستونو او همداراز د هغو بستونو عنوانو چې بدلون موندلی دی، د دندو لایحو د بېاکتنې په موخه يې کمېټه وټاکل شوه، یاده کمېټه به، د پورتنېو ذکر شوېو بستونو د دندو لایحې اصلاح کړي.
په پای کې محترم مولوي محمد موسی صدیقي د یاد ریاست اړوند آمرینو او کارکوونکو څخه وغوښتل ترڅو ورسپارل شوې دندې په پوره اخلاص او همغږۍ ترسره کړي.
