د شهیدانو او معلولینو چارو وزارت او د مېرمنو لپاره د مهارتونو د زده کړې او تحقیق مؤسسې ترمنځ هوکړه لیک لاسلیک شو
د شهیدانو او معلولینو چارو وزارت د کونډو د اقتصادي ځان بسیاینې په موخه د مېرمنو لپاره د مهارتونو د زده کړې او تحقیق (ORSTW) مؤسسې سره د (۱) میلیون او (۴۶) زره افغانیو په ارزښت د همکارۍ هوکړه لیک لاسلیک کړ.
د دې هوکړه لیک له مخې به په ننګرهار ولایت کې، د (۲۰) تنو کونډو او ښځینه معلولینو لپاره د اړینو وسایلو سره د خیاطۍ ماشینونه، د جامو ګنډلو رخت او نغدي مرستې ووېشل شي، همداراز هغوی ته به د خیاطۍ اړوند لازم مهارتونه ور زده کړل شي، د دې کار اصلي موخه د کونډو او ښځینه معلولینو اقتصادي پياوړتیا او په کورونو کې د خیاطۍ له لارې د حلال عاید ترلاسه کول دي.
یاد هوکړه لیک د شهيدانو او معلولينو چارو وزارت د بهرنيو اړيکو، پلان او تقنين چارو رئيس محترم مولوي ثناء الله فرقاني او د مېرمنو لپاره د مهارتونو د زده کړې او تحقیق (ORSTW) مؤسسې مرستیال محترم انجنیر محمد نبي احمدزي ترمنځ لاسليک شو.
د یادونې وړ ده چې د دې پروژې د تطبیق چارې به د ننګرهار ولایت د شهیدانو او معلولینو چارو رياست سره په همغږۍ پر مخ یوړل شي.
