د شهيدانو او معلولينو چارو سرپرست وزير د پکتيا معلولينو استازو ستونزې او غوښتنې واوريدې
د شهيدانو او معلولينو چارو سرپرست وزير د پکتيا معلولينو استازو ستونزې او غوښتنې واوريدې
نن سه شنبه د کب په پنځمه، د شهيدانو او معلولينو چارو سرپرست وزير، پوهنمل حميدالله فاروقي د پکتيا له معلولينو استازو سره وکتل او د حقونو او امتيازاتو ورکړې، کارموندنې، د روڼتيا ټينګښت او د فساد له منځه وړلو په تړاو يې ورسره خبرې وکړې.
ښاغلي فاروقي له فساد سره پر ګډې مبارزې د ټينګار ترڅنګ زياته کړه، چې د روڼتيا ټينګښت او له فساد سره مبازره دوامداره هڅو او همغږۍ ته اړتيا لري.
د نوموړي په خبره، چې د شهيدانو وارثین او معلولين باید په دې برخه کې له وزارت سره همکاري وکړي او د وضعيت د ښه والي لپاره له دوی سره خپلې غوښتنې، ستونزې او وړانديزونه شريک کړي.
همدارنګه ښاغلي فاروقي ژمنه وکړه، چې د معلولينو لپاره د کارموندنې په برخه کې به له قانون سره سم خپلو هڅو ته دوام ورکړي او د ښايسته سالارۍ پر بنسټ به ظرفيت لرونکو وګړو ته لومړيتوب ورکوي.
