د بلخ ولایت سرپرست والي د شهیدانو له یو شمېر کورنېو سره د لیدنې تر څنګ هغوی سره نغدي مرسته وکړه
د بلخ ولایت سرپرست والي ښاغلي الحاج ملا محمد یوسف وفا د هغو استشهادیانو له کورنېو سره وکتل چې وروڼو او زامنو یې پر اشغالګرو قواوو باندې استشهادي عملیات او موټر بم بریدونه ترسره کړي وو.
په دې لیدنه کې د بلخ ولایت د شهیدانو او معلولینو چارو رئیس ښاغلي مولوي جان محمد حکمت د یادو استشهادیانو په اړه هر اړخیز معلومات وړاندي کړل او زیاته یې کړه: د استشهادیانو سرښندنې او قربانۍ د اسلامي امارت د بریا راز دی او اوسنې شرعي او اسلامي نظام دوی تر دې ځایه را رسولی دی.
همدارنګه د غونډې په پای کې د بلخ ولایت سرپرست والي ښاغلي الحاج ملا محمد یوسف وفا د استشهادیانو روح ته دعا وکړه او ویې ویل: کومې قربانۍ چې دوی ورکړې د اسلامي نظام د بریا لپاره وې اوس زموږ د ټولو مسؤلیت دی، چې د دوی د قربانیو قدر وکړو او د دې نظام د بقاء لپاره کار وکړو، دا نظام په قربانیو راغلی او په قربانیو به یې ساتو او د ټولو شهیدانو د کورنیو ارمانونه به پوره کوو، د اسلامي امارت د مشرانو او مسؤلینو دروازې هر وخت ستاسو پرمخ پرانیستې دي او ستاسو هرې ستونزې ته به پر وخت رسېدنه کیږي، نوموړي همداراز د استشهادیانو له کورنېو سره یوه اندازه نغدي مرسته هم وکړه.
