د فراه ولایت د شهیدانو او معلولینو چارو رئیس د قلعه کاه ولسوالۍ ته سفر وکړ
د شهیدانو کورنیو او معلولینو د وضعیت د ارزونې او له نږدې څخه د هغوی د احوال اخیستنې په موخه، د فراه ولایت د شهیدانو او معلولینو رئیس د قلعه کاه ولسوالۍ ته سفر وکړ، د شهیدانو او معلولینو چارو مدیریت له اجراآتو او فعالیتونو څخه یې ارزونه ترسره کړه، د کاري بهیر د لاښه والي په موخه یې لازمې لارښوونې وکړې.
په دغه سفر کې د شهیدانو او معلولینو چارو محترم رئيس د مجردو شهیدانو کورنیو او معلولیت لرونکو وګړو سره له نږدې لیدنه وکړه، هغوی سره همدردي او خواخوږي څرګنده کړه او د یادو کورنیو د ملاتړ او لاسنیوي په موخه ورسره نغدي مساعدتونه هم ترسره شول.
