د شهیدانو او معلولینو چارو وزارت د خپلو کارکوونکو د مالي تمویل په موخه له پښتنې بانک او عزیزي بانک سره د همکارۍ هوکړه لیک لاسلیک کړ

asad_admin
سه‌شنبه ۱۴۰۵/۶/۱۷ - ۸:۴۷

د شهیدانو او معلولینو چارو وزارت محترم وزیر صاحب الحاج ملا عبدالمجید آخند د دې وزارت د کارکوونکو د مالي اړتیاوو د پوره کولو او هغوی ته د لازمو اسانتیاوو د برابرولو په موخه، له پښتنې بانک او عزیزي بانک له مسؤلینو سره د همکارۍ هوکړه لیک لاسلیک کړ.

د هوکړه لیک د لاسلیک پر مهال د مالي او اداري چارو عمومي رئیس محترم مولوي کلیم الله افغان، د پښتنې بانک مرستیال محترم مفتي محمد ابوالخیر، د عزیزي بانک د هیئت عامل مشر محترم خان الله یوسفزي او د مالي او حسابي چارو رئیس محترم مولوي محمد امین دروېش حضور درلود.

د یاد هوکړه لیک له مخې د وزارت کارکوونکي کولای شي د خپلو اړینو مالي اړتیاوو د پوره کولو لپاره له پښتنې بانک څخه د بیع مرابحې پر بنسټ مالي تمویل ترلاسه کړي. ترلاسه شوې پیسې به د هوکړې له شرایطو سره سم، د کارکوونکو له معاشونو څخه په ټاکلو میاشتنیو قسطونو کې بېرته د عزيزي بانک له لارې حواله کېږي.

د دې مالي تمویل پروسه به د کارکوونکو د اړتیا او د هغوی د غوښتنې پر اساس د یوه کال، دوو کلونو او پنځو کلونو په موده کې ترسره کېږي.

د هوکړه لیک د لاسلیک موخه دا ده چې د وزارت کارکوونکو ته د مالي اړتیاوو د پوره کولو په برخه کې اسانتیا رامنځته شي، څو هغوی وکولای شي خپلې اړینې مالي اړتیاوې په مناسب او منظم ډول حل کړي او ترلاسه شوې پیسې د معاشونو له لارې په تدریجي ډول بېرته ادا کړي.

تازه خبرونه

شنبه ۱۴۰۵/۸/۳۰ - ۱۴:۱۴
Background image

د کابل ولايت د شهیدانو او معلولینو چارو په رياست کې (۴۹) مستحقو کورنيو باندې نغدي مرستې ووېشل شوې

د کابل ولايت د شهیدانو او معلولینو چارو رياست د قمر خیریه بنسټ په مالي ملاتړ پر (۴۹) مستحقو کونډو او معلولینو باندې نغدي مرستې ووېشلې چې هر مستحق ته (۱۴۵۰۰) افغانۍ ورکړل شوې.

دغه مرستې. . .

شنبه ۱۴۰۵/۸/۳۰ - ۱۴:۱۳
Background image

په زابل ولایت کې یو شمېر مستحقو یتیمانو ته زرنج نقليه وسایط ووېشل شول

د زابل ولايت د شهیدانو او معلولینو چارو رياست د (IHH) نړيوالې مؤسسې په مالي ملاتړ او همغږۍ د یاد ولایت پر (۱۰) تنو مستحقو یتیمانو باندې زرنج نقليه وسایط ووېشل.

د یادو وسایطو د وېش پر. . .

شنبه ۱۴۰۵/۸/۳۰ - ۱۴:۱۲
Background image

په کندهار ولايت کې یو شمېر مستحقو کورنيو باندې مرستې ووېشل شوې

د کندهار ولایت د شهیدانو او معلولینو چارو رياست د عدليې رياست سره په همغږۍ د (۲۵) یتیمانو کورنیو د اقتصادي ځان بسیاینې په موخه شیدې ورکوونکې وزې ووېشلې.

د شهیدانو او معلولینو چارو. . .

BACK TO NEWS