د تخار ولایت د شهیدانو او معلولینو چارو په ریاست کې اداري غونډه ترسره شوه
د چارو د ښه سمون په موخه د تخار ولایت د شهیدانو او معلولینو چارو رئيس محترم مولوي عبدالکریم حلیمي په مشرۍ اداري غونډه ترسره شوه، په یاده غونډه کې د اړوندو برخو کارکوونکو ګډون کړی وو.
په دې غونډه کې محترم مولوي عبدالکریم حلیمي د اداري نظم پر اهمیت، د بېلابېلو څانګو ترمنځ د لازمې همغږۍ د رامنځته کولو او یو شمېر نورو مهمو موضوعاتو په هکله خبرې وکړې او کارکوونکو ته یې سپارښتنه وکړه ترڅو ورسپارل شوي مسؤليتونه په بشپړې ژمنتیا او همغږۍ سره ترسره کړي او د معلولینو او شهیدانو ورثه وو د (م-۴۰) دفترونو د منظمولو په موخه هم کارکوونکو ته لارښوونه وشوه.
د غونډې په پای د اړوندو برخو ترمنځ د دوامدارې همکارۍ په هکله ټینګار وشو او د کارکوونکو صادقانه هڅې وستايل شوې.
