د شهیدانو او معلولینو چارو وزارت او د (ZFA) خیریه مؤسسې ترمنځ د هوکړه لیک لاسلیک
د شهیدانو او معلولینو چارو وزارت او د (ZFA) خیریه مؤسسې ترمنځ د (۵۴) زره او (۳۹۰) ډالرو په ارزښت د همکارۍ هوکړه لیک لاسلیک شو چې پر اساس به یې د کابل، ننګرهار، کاپیسا، تخار او لوګر ولایتونو اړوند زرو (۱۰۰۰) تنو مستحقو یتیمانو لپاره اختریزې کڅوړۍ ووېشل شي او هر مستحق یتیم به د (۳۵۵۰) افغانیو په ارزښت جامې، بوټان او نور اړین توکي ترلاسه کړي.
د همکارۍ دا هوکړه لیک د دې وزارت د بهرنېو اړیکو او پلان رئیس محترم ملا صدو خان حق شناس او د (ZFA) خیریه مؤسسې مرستیال محترم ذکي الله غني زاده ترمنځ لاسلیک شو، چې د پورته ذکر شویو ولایتونو د شهیدانو او معلولینو چارو ریاستونو په همغږۍ به تطبیق شي.
