په کنړ ولايت کې پر سلګونو تنو مستحقو کسانو باندې مرستې ووېشل شوې
د یوې خیریه مؤسسې له لوري د کنړ ولايت د شهيدانو او معلولينو چارو رياست سره په همغږۍ د یاد ولایت د مرکز او اړوند ولسوالېو پر (۶۳۰) تنو مستحقو یتیمانو، کونډو او معلولینو باندې ژمني توکي چې په هغه کې البسه او کمپلۍ شامل وې، ووېشل شوې.
د مرستو د وېش پر مهال د کنړ ولايت د شهيدانو او معلولينو چارو رئيس محترم مفتي عبیدالله حقاني د شهیدانو او معلولینو چارو وزارت د رهبرۍ له ځانګړې پاملرنې څخه د مننې ترڅنګ د یادې مؤسسې له مرستو څخه یې هرکلی وکړ چې د دې اړمن او ځوریدلي قشر لاسنيوی کړی دی.
