د شهیدانو او معلولینو چارو وزارت يو پلاوي په پکتیکا ولایت کې د یو شمېر فدايانو کورنېو سره له نږدې وکتل او له هغوی سره یې نغدي مرسته ترسره کړه
د شهیدانو او معلولینو چارو وزارت، د شهيدانو چارو رئيس محترم مولوي روح الله نصرت په مشرۍ یو پلاوي چې د یاد وزارت د خاصو شهیدانو آمر محترم مولوي محمد یې ملتیا کوله،
د پکتیکا ولايت د مرکز په شمول، په يوسف خېل، یحیی خیل، جانخېل، خیرکوټ، خوشامند، وازېخوا، تروې، سر حوضه، اورګون، نېکه، سروبي، ګیان او برمل ولسوالېو کې د دوه اتیا (۸۲) تنو فدایانو له کورنېو سره مرسته ترسره کړه چې هرې کورنۍ ته پنځلس زره (۱۵۰۰۰) افغانۍ د نغدي مرستې په توګه ورکړل شوې.
یاد پلاوي د فدايانو له کورنېو سره په کتنه کې وويل: " شهادت يو لوړ مقام او منزلت لري چې الله تعالی جل جلاله یې خاصو بندګانو ته ور په برخه کوي، مونږ او تاسو ته هم پکار دې چې د تللو شهیدانو په قدم ولاړ شو او خپل ځانونه او د کورنې غړي پر نبوي سنتو برابر کړو."
د یادونې وړ ده چې یاد پلاوي تر دې وړاندې د پکتیا ولايت په مرکز او ولسوالېو کې د فدايانو له یو شمېر کورنېو سره هم ورته مرستې ترسره کړې وې.
