په غزني ولایت کې سل (۱۰۰) تنو مستحقو یتیمانو، کونډو او معلولینو خوراکي توکي ترلاسه کړل
د غزني ولایت د شهیدانو او معلولینو چارو ریاست له لوري د دې ولایت د مرکز په شمول په زنخان، اندړ، قره باغ، ده یک او واعظ ولسوالېو کې پر سل (۱۰۰) تنو مستحقو یتیمانو، کونډو او معلولینو باندې خوراکي توکي چې په هغه کې اوړه، غوړي، وریجې، نخود، لوبیا، چای، خُرما او مالګه شامل وو، په شفاف ډول وویشل شول.
د غزني ولایت د شهیدانو او معلولینو چارو ریاست په پام کې لري چې د دولتي ادارو او خیریه بنسټونو سره په همکارۍ او همغږۍ د روژې مبارکې میاشت کې دې اړمن قشر(یتیمانو، کونډو او معلولینو) ته د مرستو لړۍ جاري وساتي.
