د شهيدانو او معلولينو چارو وزير پوهنمل حمیدالله فاروقی د ولایتي سفر په ترڅ کې کونړ ولایت ته ورسید او له والي سره یې ليدنه وکړه
د شهيدانو او معلولينو چارو وزير پوهنمل حمیدالله فاروقی د ولایتي سفر په ترڅ کې کونړ ولایت ته ورسید او له والي سره یې ليدنه وکړه
د شهيدانو او معلولينو چارو وزير، پوهنمل حمیدالله فاروقی کونړ ولايت ته د خپل ولايتي سفر په ترڅ کې، د کونړ ولايت له والي ښاغلي محمد اقبال سعید سره د شهيدانو او معلولينو د حقوقو او امتيازاتو د ورکړې او د خدمتونو د ارایه کولو په تړاو ناسته وکړه.
په دغه ناسته کې له ښاغلي فاروقی سره د معلولینو په چارو کې د ولسمشر سلاکار عمرا خان منیب او د کونړ د ولایتي ادارې یو شمیر رییسانو هم ګډون درلود.
ښاغلي فاروقی د شهيدانو وارثينو او معلوليت لرونکو وګړو ته د حقوقو او امتيازاتو د ورکولو په برخه کې د اسانتياوو را منځته کولو او بانکي سازۍ په هکله خپل وړاندېزونه، غوښتنې او لارښونې د کونړ له محترم والي سره شريکې کړې.
د کونړ والي ښاغلي سعید له ښاغلي فاروقي او ور سره مل پلاوي څخه مننه وکړه، چې د کونړ جګړو ځپلو ولسونو د ستونزو د هوارېدو په پار يې دغه ولايت ته سفر کړی او د شهيدانو وارثينو او معلوليت لرونکو وګړو ته د امتيازاتو د ورکړې پروسې او د اسنادونو د څیړنو بهير د چټکتيا په تړاو يې له خپله اړخه د پوره همکارۍ ډاډ ورکړ.
