په غزني ولایت کې پر (۱۰۸) تنو مستحقو کسانو باندې مرستې ووېشل شوې
د غزني ولايت د شهیدانو او معلولینو چارو رياست د (HHRD) خیریه مؤسسې سره په همغږۍ پر (۱۰۸) تنو یتیمانو، کونډو او معلولینو باندې د شپږ ډوله بېلابېل خوراکي توکو ترڅنګ، نغدي مرستې ووېشلې.
د یادو مرستو د وېش پر مهال د غزني ولايت د شهیدانو او معلولینو چارو رئيس محترم ملا عبدالحکيم دانش او د (HHRD) خیریه مؤسسې استازو هم شتون درلود.
محترم ملا عبدالحکیم دانش د یادې مؤسسې له مرستو یې مننه وکړه او په راتلونکي کې یتیمانو، کونډو او معلولینو ته د لا زیاتو مرستو د برابرولو غوښتنه وکړه.
