په کونړ ولایت کې یو شمېر یتیمان او معلولين د فني او حرفوي برنامو له زده کړه ئيزو پروګرامونو څخه فارغ شول
د کونړ ولايت د شهیدانو او معلولینو چارو رياست د (HHRD) مرستندويه مؤسسې سره په همغږۍ شپږ میاشتې وړاندې د شهیدانو او معلولینو له کورنیو څخه (۶۶) تنو مستحقو کسانو ته د موبايل ترميم، خیاطې او په نورو برخو کې روزنیز پروګرام پیل کړی وو، چې فارغ شویو کسانو ته نن د يوې غونډې په ترڅ کې د فراغت سندونه ورکړل شول.
د کونړ ولايت د شهیدانو او معلولینو چارو په رياست کې په همد‌ې موخه جوړه شوې غونډه کې د شهیدانو او معلولینو چارو رئيس محترم مفتي عبید الله حقاني، د ولايت مقام د دفتر رئيس محترم مولوي محمد امین حق پرست، د احصايې او معلوماتو رئیس محترم مولوي عبدالغفار ذکي او د نورو مسؤلینو ترڅنګ د مؤسسې استازو هم شتون درلود.
