په بلخ ولایت کې پر (۶۰) تنو معلولینو باندې ویلچرونه ووېشل شول
د بلخ ولایت د شهیدانو او معلولینو چارو ریاست د معلولیت لرونکو وګړو د ملاتړ په موخه، د یوې خیریه مؤسسې سره په همغږۍ پر (۶۰) تنو مستحقو معلولینو باندې ویلچرونه کې وویشل. سربېره پر دې، یادو معلولینو ته د لارې کرایې په موخه (۶۰۰۰۰) افغانۍ هم ورکړل شوې.
همداراز د بلخ ولایت د شهیدانو او معلولینو چارو ریاست مسؤلینو معلولیت لرونکو وګړو ته ډاډ ورکړ چې ياد رياست هڅه کوي هغوی ته په ورځینې ژوند کې لازمې اسانتياوې برابرې کړي او له مرستندويه مؤسسو یې هم وغوښتل چې د دې اړمن قشر په لاسنیوي کې د شهيدانو او معلولينو چارو رياست سره بشپړه همکاري وکړي.
