په بادغیس ولایت کې د یو شمېر شهیدانو له کورنيو سره نغدي مرسته ترسره شوه
د بادغیس ولایت د شهیدانو او معلولینو چارو رئیس محترم مولوي محمد اسماعیل رحماني د یاد ولایت د شهیدانو له درېیو کورنيو سره له نږدې وکتل، د هغوی سره یې د خواخوږۍ او همدردي ترڅنګ، یو اندازه نغدي مرسته هم ترسره کړه.
همداراز د بادغیس ولایت د شهیدانو او معلولینو چارو رئیس د خیریه بنسټونو او له خیرخواه خلکو څخه وغوښتل چې په دې مبارکه میاشت کې د یتیمانو، کونډو او معلولیت لرونکو وګړو څخه هر اړخیز ملاتړ وکړي او د هغوی لپاره لازمې مرستې برابرې کړي.
