د شهيدانو او معلولينو چارو وزارت د یتیمانو د ملاتړ په موخه د نور مرستندويه مؤسسې سره د همکارۍ هوکړه لیک لاسلیک کړ
د دې هوکړه لیک له مخې به، د کابل ښار په اولسمې ناحیې کې (۲۰۰) تنه مستحق یتیمان تر پوښښ لاندې راشي چې د هغوی لپاره خوراکي خوندیتوب تأمین او د زده کړې زمینه هم برابره شي، سربېره پردې د هغوی د کورنيو د اقتصادي ځان بسیاینې په برخو کې هم خدمتونه وړاندې شي، تر څو هغوی وکولای شي د اقتصادي خپلواکۍ په لور ګامونه پورته کړي.
د همکارۍ دغه هوکړه ليک د شهيدانو او معلولينو چارو وزارت د بهرنیو اړیکو او پلان رئيس محترم ملا صدوخان حق شناس د نور مرستندویه مؤسسې مسؤل محترم انجنیر ویس عمادي تر منځ لاسلیک شو.
د یادونې وړ ده چې د یادې شوې پروژې مجموعي ارزښت (۴۳) زره او (۲۰۸) امریکايي ډالره کېږي او د دې وزارت د ټولنیزو چارو خدمتونو د تنظیم ریاست سره په همغږۍ به پلي شي.
