د شهيدانو ورثه ؤ او معلولينو د پالنې په مرکز کې د (SDLP) پروګرام د زده کوونکو څخه ازموينه واخيستل شوه
یاد پروګرام پنځه مياشتې وړاندې د HHRD نړيوالې مؤسسې په مالي او تخنیکي ملاتړ (۱۲۶) تنو یتیمانو، معلولينو او بېوزله کسانو لپاره د انګليسي ژبې او د کمپيوټر پروګرامونو زده کړې په موخه په لاره اچول شوی وو، چې
د یادو کسانو څخه وروستې ازموینه د شهيدانو ورثه ؤ او معلولینو د پالنې مرکز رئيس محترم ملا رحمت الله خالد، د HHRD نړيوالې مؤسسې استازو او د یاد مرکز د استادانو په حضور کې واخیستل شوه چې زده کوونکي وتوانیدل د ازموينې پاڼې په ښه توګه حل او د ارزونې په موخه یې د ازموينې کمېټې ته وسپارلې.
