د شهیدانو او معلولینو چارو وزارت د مسلکي او تخنیکی چارو مرستیال محترم الحاج ملا عبدالرزاق آخند په هرات ولایت کې د یو شمېر فدایانو کورنېو سره له نږدې وکتل
د شهیدانو او معلولینو چارو وزارت د مسلکي او تخنیکی چارو مرستیال محترم الحاج ملا عبدالرزاق آخند هرات ولایت ته یې د سفر په ترڅ کې د دې ولایت په مرکز او پښتون زرغون، شينډنډ، اوبه، ادرسکن، ګذره او چشت ولسوالېو کې د یو شمېر فدایانو او متعددو مجرد شهيدانو له کورنېو سره له نږدې وکتل، هغوی ته یې د تسلیت او خواخوږۍ مراتب وړاندې کړل او له یادو کورنېو سره یې یو اندازه نغدي مرسته هم ترسره کړه.
محترم الحاج ملا عبدالرزاق اخند د فدایانو او متعددو مجردو شهيدانو له کورنېو سره په کتنه کې وویل: ستاسو پلرونو، اولادونو او وروڼو د اسلامي نظام د قايمېدلو لپاره قرباني ورکړې ده او دا د هغوی د وينو برکت دی چې نن يو اسلامي او سپېڅلی نظام لرو.
