د شهیدانو او معلولینو چارو وزارت د رهبرۍ شورا غونډه ترسره شوه
د شهیدانو او معلولینو چارو وزارت د رهبرۍ شورا غونډه د یاد وزارت د سرپرست وزیر، ښاغلي ملا عبدالمجید آخند په مشرۍ، د تخنیکي او مسلکي چارو مرستیال ښاغلي مولوي عبدالرزاق آخند، د شهیدانو او معلولینو چارو مرستیال ښاغلي شیخ صاحب عبدالحکیم حقاني، د مالي او اداري چارو عمومي رئیس ښاغلي مولوي کلیم الله افغان او د اړوندو څانګو د رئیسانو په شتون کې ترسره شوه.
د یادې غونډې موضوعات چي د شهیدانو او معلولینو چارو وزارت د دفتر رئیس ښاغلي قاري شاه محمد دوست لخوا غونډې ته وړاندې شول په هغې کې دهغو مجردو شهیدانو کورنېو په هکله خبرې وشوې چې د مجردو شهیدانو شمېر یې له یوه څخه زیات وي، او کورنې یې له اقتصادي ستونزو سره مخ وي، د غونډې په ترڅ کې څرګنده شوه چې تر دې وړاندې د مجردو شهیدانو ستونزه د ریاست الوزرا سره هم شریکه شوې وه خو د اسلامي امارت د بودیجې د کمښت له امله د میاشتنې مرستې څخه نه برخمن کیږي.
په دې غونډه کې د ولایتي رئیسانو څخه وغوښتل شول چې په هغو کورنېو کې چې د مجرد شهیدانو شمیر له یوه څخه زیات وي د خیریه بنسټونو د مرستو په ترتیب کې دې ونیول شي. همدارنګه په یاده غونډه کې له ولایتي رئیسانو څخه غوښتنه وشوه، د یتیمانو هغه کورنۍ چې له جدي اقتصادی ستونزو سره مخ وي باید د هغوې ستونزې د شهیدانو او معلولینو چارو وزارت له رهبرۍ سره شریک کړل شي تر څو د نوموړي وزارت لخوا هغوی سره فوق العاده مرستې ترسره شي.
په یاده غونډه کې د شهیدانو او معلولینو چارو وزارت د میاشتنې مرستې د طرزالعمل د ځینو مادو په تعدیل او بدلون باندې هم خبرې وشوې چې د کال په اخیر کې به په ځینو مادو کې بدلون راشي.
په دې غونډه کې د شهیدانو د تثبیت په پروسه کې د شهیدانو د وثیقې او وکالت خط په هکله هم خبرې وشوې او پریکړه وشوه چې د اسلامي امارت دشهیدانو پرته د وژل شویو عسکرو یتیمانو څخه وثیقه او وکالت خط مجرد خط غوښتل لازمي او حتمي نه دي ځکه چې ډیر وارې په وثیقه کې د یتیمانو تعداد کم او یا زیات لیکل شوي وي. خو ولایتي رئیسان مکلف دي ترڅو د تثبیت په پروسه کې د یتیمانو شمېر د څیړلو او مشاهدې له لارې څرګند کړي. تر ټولو يې مشاهده او کره معلومات څيړل ضروري دي
په دې غونډه کې سپارښتنه وشوه تر څو د شهیدانو او معلولینو چارو وزارت مرکزي رئیسان د معلوماتو غوښتلو او د کارونو د ښې همغږۍ کولو په موخه په ولسوالېو کې د یاد وزارت اړوند مدیرانو سره د وټساپ ګروپونه جوړ کړي.
په یاده غونډه کې پریکړه وشوه تر څو د هغو ولایتونو کارکوونکي چې د دري ژبې لیکدود نشي کولای په پښتو، او د هغو ولایتونو کارکوونکي چې د پښتو ژبې لیکدود نشي کولاې له دې وروسته دې په دري ژبه مراسلات ترسره کړي.
همدارنګه د غونډې په پای کې ولایتي رئیسانو ته دنده وسپارل شوه تر څو په هغو کورنېو کې چې د مجرد شهیدانو شمېر له دریو څخه زیات وي د هغوی نوملړ چمتو او د شهیدانو او معلولینو چارو وزارت له رهبرۍ سره شریک کړي.
