په لغمان ولایت کې (۱۱۰) تنو مستحقو کسانو سره مرستې ترسره شوې
یادې مرستې د لغمان ولایت د والي محترم الحاج قاري بختیار معاذ له لوري د شهیدانو او معلولینو چارو ریاست سره په همغږۍ د باد پښ او فرشغان ولسوالیو کې پر (۱۱۰) تنو مستحقو یتیمانو، کونډو او معلولینو باندې ووېشل شوې، په یادو مرستو کې ژمنۍ البسه شاملې وې.
د مرستو د وېش پر مهال د لغمان ولایت د شهیدانو او معلولینو چارو رئیس محترم حاجي فیض الله جواد د شهیدانو کورنيو او معلولینو ته ډاډ ورکړ چې یاد ریاست به د دې قشر لپاره لا زیاتې مرستې برابرې کړي.
