په لوګر ولايت کې پر (۶۰۰) تنو مستحقو کسانو باندې د خوراکي توکو وېش
د لوګر ولایت د شهيدانو او معلولينو چارو رياست د یوې خیریه مؤسسې سره په همغږۍ د یاد ولایت پر (۶۰۰) تنو مستحقو یتیمانو، کونډو او معلولینو باندې خوراکي توکي ووېشل.
د مرستو د وېش پر مهال د شهيدانو او معلولينو چارو رئیس محترم مولوي محمد رفیق هاشمي او د مرستندويه مؤسسې مسؤلينو شتون درلود.
همداراز هغو مستحقو کسانو چې مرستې ترلاسه کړې وې د شهيدانو او معلولينو چارو رياست د مسؤلینو څخه د مننې ترڅنګ، په راتلونکي کې یې هم د ورته مرستو غوښتنه وکړه.
