پر درې سوه معلولیت لرونکو وګړو او د شهیدانو پر وارثینو د خوراکي توکو کڅوړۍ وویشل شوې
د کابل ولایت په قره باغ ولسوالۍ کې پر درې سوه معلولیت لرونکو وګړو او د شهیدانو کورنېو باندې د پاکستان هېواد د ( Humanity Welfare Trust) خیریه بنسټ لخوا د خوراکي توکو کڅوړۍ وویشل شوې.
په دغو خوراکي کڅوړو کې چې اوړه، غوړي، لوبیا، وریجې او چڼې شاملې وې، د یاد خیریه بنسټ لخوا د شهیدانو او معلولینو چارو وزارت په همغږۍ د کابل ولایت په قره باغ ولسوالۍ پر اړمنو کسانو وویشل شوې.
همداراز د مرستو د ويش پر مهال د (Humanity Welfare Trust) خیریه بنسټ مشر ښاغلي طيب شبير پر بهرنيو پانګوالو او خيريه بنسټونو غږ وکړ، چې په دې ناوړه اقتصادي حالت کې دې د افغانستان د خلکو سره مرستې هيرې نه کړي او له هغوې څخه یې وغوښتل چي د دې هیواد زيانمنو شويو خلکو سره اړینې مرستې وکړي.
