د ازادې سيالۍ له لارې د معلولينو ملي انستیتوت ته بريالی شوی ریيس د وزارت کارکوونکو ته ور وپيژندل شو
د ازادې سيالۍ له لارې د معلولينو ملي انستیتوت ته بريالی شوی ریيس د وزارت کارکوونکو ته ور وپيژندل شو
نن د تلې په ۲۴مه، د معلولينو ملي انستیتوت ته نوی رييس، دريا خان بهير د شهيدانو او معلولينو په چارو کې دولت وزارت د رهبرۍ پلاوي او کارکوونکو ته وروپېژندل شو.
د ښاغلي بهير د پېژندنې غونډه کې د شهيدانو او معلولينو په چارو کې د دولت وزارت د نظامي شهيدانو او معلولينو چارو د همغږۍ مرستيالې صبرۍ اندړ نوي رییس ته د بريا مبارکي وویله او په چارو کې يې ورته د برياليتوب هيله وکړه.
اغلې اندړ زياته کړه، چې معلوليت لرونکي وګړي ښې او فوق العاده وړتياوې لري، کومې چې بايد په سمه توګه مديريت شي.
نوموړې د معلولينو ملي انستیتوت نوي رییس ته لارښوونه وکړه، چې په ياد انستيوت کې د معلولينو لپاره د حرفوي او تخنيکي زده کړو بهير چټک کړي او د کيفيت لوړولو برخه کې لازم اقدامات وکړي.
نوي ریبس دريا خان بهير د وزارت له مشرتابه مننه وکړه، چې ده ته يې د هرکلي په پار غونډه نيولې او خوښي يې څرګنده کړه، چې الله ورته د ټولنې د درديدلي او جګړې ځپلي قشر (معلولينو) لپاره د خدمت کولو زمينه برابره کړې ده.
ښاغلي بهير ژمنه وکړه، چې د افغانستان اساسي قانون په رڼا کې به د معلوليت لرونکو هېوادوالو لپاره په پوره اخلاص او ايماندارۍ خدمت کوي او د ياد انستیتوت له لارې به د معلولينو حرفوي او تخنيکي زده کړو د کچې لوړولو، د ظرفيت او کيفيت د پياوړتيا او د هغوی د ټولنيز پرمختګ لپاره به اغيزمنې هلې ځلې کوي.
